Trento, febbraio 2016
VENESSIA NATA DA LA MIGRASSIÒN
di Sandro Boato
da Tera e Aqua, n. 87 – feb-mar 2016
La laguna xe un mar prima del mar
senza paroni, sensa porcarìe
estuario / de acqua dolse e salsa
co la foresta intorno
e qualche barca, qualche pescador
fra ìsole barene* e canalete
quanti pessi se vede quanti osèi*
ànare e svassi e garzete a mogie*
ciacolando – cocài* sospesi al vento
e po’ zozo*planando
là dove se confonde fiumi e mar.
Un dì l’aurora par
un arco grando che sparisse el siél*
rosso naransa e zalo* verso sud
a nord invesse nero viola e blu
i barbari xe qua dunque – far cossa*?
urli e pianti se sente dapartuto
foghi se impissa* e se alsa fumi
tamburi s’gionfa* le ansie, le paure
zente che scanpa*, zente che strassina
bestie e strasse*, bocete*
contromàn: la laguna / deventada sità.
Sandro Boato
*glossarietto
ve/it:
barene=fondali emersi _
a mogie=in ammollo _
zozo=giù _ cièl=cielo _ far cossa?=che fare?
s’gionfa=gonfiano _
strasse=stracci _
osei=uccelli _
cocài=gabbiani _
zalo=giallo _
se impissa=si accendono
scanpa=fugge, scappa _
bocete=bambini
|
